«Қазгидромет» РМК Қазақстанның бірқатар өңіріне ауа райына байланысты ескерту жариялады.
Болжам бойынша 2 қаңтар күні Алматы облысында ауа температурасы – 20-25, облыстың солтүстігінде 30 градусқа дейін күрт төмендейді. Жамбыл облысының солтүстігінде 25-30 градус аяз болады.
2-3 қаңтар күндері Солтүстік Қазақстан, Ақмола, Павлодар, Қарағанды облыстарында 32-37, кей жерлерде 42 градус аяз болады. Шығыс Қазақстан облысында 2-4 қаңтар аралығында 32-37, кей жерлерде – 43 градус қатты аяз күтіледі. Ауа райы болжамының дәлдігі – 95-100%.
