Елорда маңына қатынайтын автобустардың алты бағдары жұмысын жандандырды. Бұл туралы City Transportation Systems компаниясы Фейсбуктегі парақшасында хабарлады.
«Қала маңына қатынайтын бағдарлар қозғалысына шектеу алынып тасталды. Осыған орай №№ 308, 310, 312, 315, 316, 317 бағдарлар қайтадан қатынайды. № 305, 309 бағдарлар бойынша ақпаратты кейінірек ұсынамыз», - делінген хабарламада.
Бұған дейін қала маңына қатынайтын 8 автобус маршруты уақытша тоқтатылған еді.
