Алматы қаласы кәсіподақтарының аумақтық бірлестігі бақылаушылар штабының жетекшісі Серікжан Байғұттинов ҚР Парламенті Мәжілісі мен мәслихаттар депутаттарын сайлайтын алдағы сайлаудың дайындығы туралы айтып берді.
2020 жылдың 6 қарашасында ҚР Кәсіподақтар федерациясы бақылаушылар ретінде сайлауға қатысу туралы мәлімдеме жасады. Осы 1,5 айда үлкен жұмыс атқарылды. 27 қарашада Алматы қаласының аумақтық кәсіподақтар бірлестігінен штаб құрылып, оған қала кәсіподағының түрлі салаларының басшылары кірді.
«Бүгінгі таңда 507 сайлау учаскесінде бізді таныстыратын 1014 адамнан тұратын тізім жасалды. Яғни, әр учаскеде 1 бақылаушы болады, бірақ күн ішінде олар өзгереді. Сондықтан 1 учаскеге 2 бақылаушыдан келеді», – деді Серікжан Байғұттинов.
Кәсіподақтар федерациясы екі миссияны көздейді: қысқа мерзімді және ұзақ мерзімді. Қысқа мерзімді миссия – бұл сайлау күні Федерация мүшелерінің бақылаушылар ретінде сайлаудың анық, заңды түрде дұрыс, ешқандай бұзушылықсыз өтуін және сайлауда болып жатқанның бәрін жазып алуын қамтамасыз ету. Сайлау ашық және транспарентті түрде өтуі тиіс. Ұзақ мерзімді миссия – кәсіподақ мүшелерімен жұмыс берушілер тарапынан әрбір азаматтың еркіне қысым жасауға жол берілмейтінін түсіндіру жұмыстарын жүргізу. Яғни, кәсіподақтың әрбір мүшесі өз пікірін білдіруге, өз таңдауын жасауға конституциялық құқыққа ие.
30 қарашада Алматы қаласының Кәсіподақ орталығынан «Татуласу орталығымен» бірлесіп бақылаушылар мектебі ашылды. Онда 1,5 ай бойы аптасына үш рет семинарлар мен тренингтер өткізілді. Әр тренингке 50 бақылаушы қатысты. Бұл курстарда «Сайлау туралы» конституциялық заңның нормалары түсіндірілді, нақты жағдайлар, қандай қақтығыстар болуы мүмкін, оларды қалай шешу керектігі түсіндірілді.
«Байқаушыларымыз өзін қалай ұстау керек, қандай құқықтары бар, қандай міндеттері бар деген барлық сұрақтар бойынша 100% дайын. Біз оларды осы біліммен қаруландырдық. Сонымен қатар, біз партиялық емес бақылаудан семинарларға қатыстық. Онда сондай-ақ белгілі дәріскерлер сөз сөйлеп, тренингтер мен семинарлар өткізілді», – деді бақылаушылар штабының жетекшісі.
Алматы қаласы кәсіподақтарының аумақтық бірлестігінің штабы «Сайлаудағы әділ және адал бақылау туралы» Хартияға қосылды. Штаб мүшелері сайлау учаскелеріне мониторинг жүргізуге қатысты. Оның қорытындысы бойынша өз ұсыныстарын берді, аумақтық сайлау комиссиясының басшылығымен кездесті.
«Барлық алматылықтарды өздерінің конституциялық құқығын пайдаланып, сайлауға келіп, өздерінің жанына жақын партияға дауыс беруге шақырамын», – деді Серікжан Байғұттинов.
