«Отырар» қалалық ғылыми-әмбебап кітапханасында орналасқан сайлау учаскесіне келушілердің қарасы көп. Алайда осы аумақтың тұрғыны дауыс беруге келгенімен өзінің аты-жөні тізімде жоқ екенін көріп, қайтып кетті. Осындағы тәуелсіз бақылаушы Нұрбол Исмайловтың айтуынша, дауыс бергісі келетіндер көп, дегенмен көбісі тізімде болмай шығады екен.
«Адамдар келуін келіп жатыр. Бірақ осындай жағдайлар жиі кездесуде. Бастапқыда тізімде өзінің тегі болмаса да сайлау учаскесі тарапынан бір азаматқа дауыс беруге рұқсат берді. Ал одан кейінгілеріне рұқсат берілген жоқ. Арасында осындай келеңсіз жағдай болмаса басқасы тыныш» дейді тәуелсіз байқаушы. Н.НАЗАРБЕК