"Жақсы аудандық криминалды полицияның қызметкерлеріне 26 қаңтарда мемлекет аралық іздеуде жүрген қылмыскердің жүргені туралы хабар түсті. Дереу жедел-іздестіру шаралары ұйымдастырылып, полиция сақшылары іздеудегі ер адамға ұқсас адамды тапты. Ол расында да Шымкент қалалық Әл-Фараби аудандық сотымен іздеу салынған, өткен жылы алаяқтығы үшін қамауға алынуы тиіс 28 жастағы жігіт екені анықталды. Қазір ол Жақсы аудандық полиция бөлімінің уақытша изоляторына қамауға алынды", - деді Ақмола облысы полиция департаменті баспасөз қызметінің жетекшісі Гүлнәр Пинчук.Іздеу салған бастамашыға қылмыскердің ұсталғаны туралы хабарлама жолданған. Жалпы ақмолалық полицейлер өткен жылы 80-нен астам қылмыскерді ұстаған. Олардың 13-і бірнеше жыл іздеуде болыпты.
Абзал Алпысбайұлы, Ақмола облысы