Ол құрамында алтыны бар кен орнын тауып, бағалы тасты сонда өндірумен айналысқан.
Тәртіп сақшылары заңсыз алтын қай жерден өндірілгенін ашып айтпай отыр. Алайда Мойынқұм ауданында Ақбақай ауылында ғана алтын шығарылатынын ескерсек, күдікті заңсыз әрекетін сол маңда жүзеге асырған секілді.
Ал қолдан жасалған кен орнын тексеру барысында ұсталған азаматтан тіркелмеген 16 калибрлі аңшылық мылтық және жарылыс жұмыстарын жүргізуге арналған 8 дана қолдан жасалған тұтандырғыш табылған.
Аталған дерек бойынша Қылмыстық кодекстің 287-бабы 3-бөлігі (атыс қаруын (тегіс ұңғылы аңшылық қарудан басқа), оқ-дәрілерді, жарылғыш заттарды немесе жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру) және 334-бабы (жер қойнауын өз бетінше пайдалану) бойынша сотқа дейінгі тергеу амалдары басталды.
