Nexia көлігіне әлдекімдердің қызды күштеп мінгізіп жатқанын куәгерлер видеоға түсіріп алған. Сол маңдағы тұрғындар бұл оқиғаның түнгі сағат екіден кейін болғанын айтады, - деп хабарлады 24.kz.
Олардың болжамы бойынша, қыз жақын жердегі мейрамханадан шыққан қонақтардың бірі болуы мүмкін.
Полицейлер түн ортасында қызды алып қашқандардың жеке басын анықтады. Оқиғаның мән-жайын полицейлер анықтау үстінде. Болжам бойынша, қызды үйлену үшін алып қашқан.
- 2021 жылдың 29 наурыз күні Шымкент қаласындағы көпқабатты үйлердің бірінің ауласында белгісіз тұлғалар қызды автокөлікке күштеп отырғызып алып кеткені туралы бейнежазба жарияланған болатын. Бұл бойынша ҚР ҚК 126-бабымен қылмыстық іс қозғалды. Сотқа дейінгі тергеп-тексеру жұмыстары жүргізілуде, - деп хабарлады қалалық ПД тергеу басқармасының басшысы Дәулеткелді Әбдіраманов.
