Алматыда полицейлер айыппұлды заңсыз есептен шығарды деген күдікке ілінді. Бұл ақпаратты қалалық сыбайлас жемқорлыққа қарсы қызмет растады.Tengrinews.kz хабарлауынша, наурыздың ортасында әлеуметтік желілерде Алматыда Амансупиев есімді 42 жастағы қала тұрғынына қатысты сотқа дейінгі тергеу тіркелгені туралы ақпарат шықты. Ол 2016 жылдан 2020 жылға дейін полиция қызметкерлеріне қызметтік өкілеттігін асыра пайдалануға көмектескені туралы хабарланды. Іске лейтенант Нашарбеков пен сержант Жапаровтың қатысы бар делінген. Қылмыстық іс жол ережесін бұзғандардың айыппұлын заңсыз есептен шығарғаны үшін қозғалған. Бұл арқылы күдіктілер мемлекетке 247 миллион теңге көлемінде зиян келтіргені айтылған.Осыған байланысты Tengrinews.kz редакциясы 19 наурызда Алматының сыбайлас жемқорлыққа қарсы қызметіне ресми сауал жолдаған. Ведомство жоғарыда аталған тұлғаларға қатысты сотқа дейінгі тергеу жүргізілгенін мәлімдеді. Бұл іспен Алматының ПД әкімшілік Полиция басқармасы айналысып жатыр.
"Сотқа дейінгі тергеу барысында Жапаров, Нашарбеков және Амансупиев ұйымдасқан қылмыстық топтың құрамында болғаны анықталды. 2016-2020 жылдар аралығында олар лауазымдық өкілеттігін асыра пайдаланып, жол қозғалысы ережелерін бұзған азаматтардың әкімшілік айыппұлдарын есептен шығарумен заңсыз айналысқан. Осылайша, олар мемлекетке аса ірі мөлшерде 247 миллион теңгеден астам сомаға залал келтірді", - делінген Алматы Сыбайлас жемқорлыққа қарсы қызмет басшысы орынбасарының міндетін уақытша атқарушы Рүстем Тайтөлеевтің қолы қойылған жауапта.
Тергеу барысында Жапаров пен Нашарбеков айыппұлдарды есептен шығарғаны үшін бірнеше рет пара алғаны анықтады. Осы екеуіне қатысты айыптау актісімен қылмыстық іс аяқталды. Күдіктілер сотқа тартылады, олар әр күдіктінің кінәсінің дәрежесі туралы түпкілікті шешім шығарады.
"Олардың іс-әрекеттері Қылмыстық кодекстің 206, 262, 361 және 366-баптары бойынша сараланған, атап айтқанда: "қылмыстық топ жасаған, ауыр зардаптарға әкеп соққан ақпаратты заңсыз жою немесе түрлендіру", "өзінің қызмет бабын пайдалана отырып, ұйымдасқан топты немесе қылмыстық ұйымды құру, оған басшылық ету және оған қатысу", "қылмыстық топтың мүддесі үшін жасалған, ауыр зардаптарға әкеп соққан лауазымдық өкілеттігін асыра пайдалану" және "адамдар тобының алдын ала сөз байласуы бойынша бірнеше рет пара алуы", - деп жазылған ресми жауапта.
Осыған байланысты Tengrinews.kz редакциясы 19 наурызда Алматының сыбайлас жемқорлыққа қарсы қызметіне ресми сауал жолдаған. Ведомство жоғарыда аталған тұлғаларға қатысты сотқа дейінгі тергеу жүргізілгенін мәлімдеді. Бұл іспен Алматының ПД әкімшілік Полиция басқармасы айналысып жатыр.