2022 жылы өтетін футзалдан Еуропа чемпионатының іріктеу кезеңінде Қазақстан құрамасы сырт алаңда Венгрия футболшыларымен кездесіп, 1:6 есебімен жеңіске жетті. Бұл Қазақстанның іріктеу турниріндегі қатарынан төртінші жеңісі.
Осылайша Қазақстан құрамасы мерзімінен бұрын жолдамаға қолжеткізді.
Бірінші таймда-ақ Қазақстан футболшылары қарсылас қақпасына жауапсыз 4 доп соқты. Екінші таймда біздің ойыншылардың екі голына мажарлар 1 доппен жауап берді.
Бесінші топта өнер көрсетіп жатқан Қазақстан құрамасы 12 ұпаймен көш бастап, Еуро-2022 жолдамасын мерзімінен бұрын жеңіп алды.
