Ақтөбеде такси жүргізушісі мектеп оқушысын қағып, оқиға орнынан қашып кеткен.
Polisia.kz-тің хабарлауынша, ВАЗ жүргізушісі 12 жастағы оқушыны Мәншүк Мәметова көшесіндегі реттелмейтін жаяу жүргіншілер өткелінде қағып, қашып кеткен.
Тәртіп сақшылары жүргізушінің кім екенін анықтады. Ол мобильді қосымша арқылы жеке тасымалдаумен айналысатын 59 жастағы ер адам болып шыққан.
"Сараптама нәтижесі бойынша ер адам сау болған. Бұл дерек бойынша тергеу жүргізіліп жатыр. Мектеп оқушысы Ақтөбе қаласындағы ауруханаға жатқызылды", - деп мәлімдеді полиция.
Айта кетейік, 2 наурызда Алматы облысында 54 жастағы мас жүргізуші 4 оқушы қызды қағып кеткен еді. Салдарынан үш қыз ауыр жарақат алды. Оның екеуі ауруханада қайтыс болды, біреуінің аяғы сынған.
