Осыдан 20 жыл бұрын Созақ ауылында «Созақ» мектеп-гимназиясын тәмамдаған түлектер жиылып жалғызбасты анаға баспана сыйлады.
Төрт бөлмелі үйде ауыз су, жарық пен жылу бар, - деп хабарлайды Түркістан облысы Өңірлік коммуникациялар қызметі. Сондай-ақ, заманауи жабдықтармен жабдықталған.
Өз кезегінде жаңа баспана иесі атанған Саламат Ералиева түлектерге алғыс айтты.
Бұдан өзге 2001 жылы мектеп бітірген түлектер Созақ ауылында футбол жарысын ұйымдастырды. Барлық іс-шара карантин талаптарын сақтай отырып өткізілді.
Өткен жылы бір үй көп балалы жалғызбасты анаға берілген. Сондай-ақ, аталған ауылда тағы үш үй салынып жатыр.
