Маңғыстау облысы Жаңаөзен қаласы Рахат ауылы Ақсу шағынауданы тұрғыны Жулдызай Бухарова партия филиалына қоңырау шалып, ауылында 250 балаға арналған ойын алаңының жоқ екенін айтты. Ал Шымкент қаласы әл-Фараби ауданына қарасты Әлімбетов көшесі тұрғындары «Nur Otan» партиясы әл-Фараби аудандық филиал төрағасына ауладағы 150-ге жуық балаға спорт алаңшасын салып беру туралы өтініш білдірген.
Жаңаөзендегі партия филиалы өтінішті орындау мақсатында «Өзенинвест» коммуналдық мекемесіне хат жолдады. Ал Шымкент қаласының әл-Фараби ауданы әкімі, филиал төрағасы Рашид Мамытұлы мән-жайды анықтап, тұрғындардың өтінішін негізге алып, жеке кәсіпкер Серік Тульбасовпен кездесіп, құрылыс жұмыстарын талқылады. Бас мердігер «Ферротекс» ЖШС құрылыс нысанын бастап, 25 күнде жұмысты бітірді. Спорт алаңшасы жер телімінің ауданы – 0,0288 га.
Осылайша, «Өзенинвест» мемлекеттік коммуналдық кәсіпорны Ақсу шағынауданы, Ж.Дәуітов көшесінде футбол ойын алаңын, ал Шымкент қаласының әл-Фараби ауданында спорт алаңшасының ашылу салтанатын өткізіп, балаларға сый жасады.
