Футболдан Еуропа чемпионатының финалдық сатысының топтық кезеңі мәресіне жетті. Турнирдің 1/8 финалына шыққан құрамалар толық белгілі болды.
Топтық кезеңнің соңғы ойын күнінде E және F тобындағы құрамалар арасындағы кездесу өтті.
Е тобындағы Испания құрамасы Словакия қақпасына жауапсыз 5 гол соқты. Осы топта Швеция мен Польша кездесуінде де бес гол соғылды. Швеция қарсыласын 3:2 есебімен тізе бүктірді.
F тобында да тартысты кездесу жүрді. Португалия мен Франция арасындағы кездесу 2:2 есебімен аяқталды. Португалиялық Криштиану Роналду ойында екі пенальти орындап, құрама сапында өзінің 109-голын соқты. Осылайша ол Али Даеидің халықаралық деңгейдегі голдар рекордын қайталады.
Осы топтағы тағы бір кездесуде Венгрия құрамасы Германияға қарсы ойнады. Кездесуде 2:2 есебімен тең ойнаған Германия екінші орын алып, плей-офф сатысына шықты.
Турнирдің 1/8 финалының кестесі:26 маусым, 22:00: Уэльс - Дания (Амстердам-Арена, Нидерланды)27 маусым, 01:00: Италия - Австрия (Уэмбли, Лондон);27 маусым, 22:00: Нидерланды - Чехия (Пушкаш Арена, Будапешт);28 маусым, 01:00: Бельгия - Португалия (Олимпико де Севилья - Ла Картужа, Севилья)28 маусым, 22:00: Хорватия - Испания (Паркен, Копенгаген)29 маусым, 01:00: Франция - Швейцария (Ұлттық стадион, Бухарест)29 маусым, 22:00: Англия - Германия (Уэмбли, Лондон)30 маусым, 01:00: Швеция - Украина (Хэмпден паркі, Глазго).
