Орта салмақтағы қазақстандық боксшы Жәнібек Әлімханұлы (9-0, 5 КО) Лас-Вегасқа барды. 26 маусым күні осы қалада Жәнібек бұрынғы әлем чемпионы америкалық Роб Брантпен (26-2, 18 КО) жекпе-жек өткізеді, — деп хабарлайды Vesti.kz.
"Лас-Вегастамыз. Сенбі Лас-Вегаста үлкен жаңалық болады және оны бүкіл әлем естиді. Вегаста болған жағдай, Вегаста ғана қалмау керек. Мен қазақша стилімді көрсетемін", – деп жазыпты Жәнібек твиттер желісінде.
Әлімханұлы — Брант айқасы украиналық Василий Ломаченко (14-2, 10 КО) мен жапониялық Масаеши Накатани (19-1, 13 КО) кездесуінің андеркардында өтеді. Қазақстан уақытымен ол 27 маусымда таңда болады. Трансляцияның басталуы 08:00.
