Қазақстанда жыл басынан бері 34 мың бала коронавирус инфекциясын жұқтырған. Қазір 558 бала стационарда ем алып жатыр. Денсаулық сақтау вице-министрі Ажар Ғинаят ОКҚ-да өткен брифинг барысында осындай мәлімет келтірді. Вице-министр кейінгі айларда коронавируспен ауырған балалар саны 4-5 есеге артқанын айтты.
«Ауыр халде төрт бала жатыр. Нұр-Сұлтан, Ақмола, Қызылорда және Жамбыл облыстарында. Олардың жағдайы мұқият бақылауға алынған", – деді ол.
