Қарағанды облысының бас санитар дәрігері Юрий Залыгин тікелей эфирде өткен брифингте тұрғындарды коронавирусқа қарсы вакцинациядан өтуге шақырды және ұжымдық иммунитет қалыптастыру үшін халықтың кемінде 70%-ы вакцина алуы керек екенін айтты.
«Белгілі бір препараттың жеткізілуін күтудің қажеті жоқ. Дәл қазір бізде бар вакцинаны салдыру керек. Күнделікті ойланып-толғанған сайын алтын уақытыңызды жоғалтасыздар. Әр азамат өзі үшін дұрыс шешім қабылдауы керек. Мен денсаулық жағдайына байланысты қарсы көрсетілімі барларды қоспағанда, барлығына вакцина алуды ұсынамын», – деді Юрий Залыгин.
Қарағанды облысының бас санитар дәрігері өзін жайсыз сезінгендерге өз бетімен емделмеуге кеңес берді.
