Супер орта салмақта өнер көрсететін қазақстандық боксшы Айдос Ербосынұлының (15-0, 10 КО) WBA Interim белбеуі үшін гайаналық боксшы Аллен Леннокспен (22-1-1, 14 КО) жекпе-жегі қайда өтетіні белгілі болды, – деп хабарлайды Vesti.kz.
Бұл кездесу 12 қыркүйек күні Нұр-Сұлтан (Қазақстан) қаласында өтеді.
Ербосынұлы соңғы кездесуін өткен жылдың желтоқсан айында Нұр-Сұлтан қаласында өткізіп, ганалық Исса Самирді (19-1, 16 КО) жеңді. Бұл кездесуде ол BC Asia, WBA International және WBO Global белбеулерін қорғап қалған еді.
