Қазақстандық файтер Жалғас Жұмағұлов (14-5) UFC-мен жаңа келісімшартқа отырған соң қашан жекпе-жек өткізетіні белгілі болды.
"Жалғас қазан айында октагонға шығуға дайын болған. Бірақ келесі жекпе-жегін желтоқсан айында өткізеді", – деді спортшының агенті Саят Әбдірахманов.
Еске салайық, жақында Жалғас Жұмағұлов Arlan MMA Pro Team командасынан кететінін хабарлаған болатын. Ал UFC-мен жаңа келісімшарты аясында ол төрт жекпе-жек өткізеді.
