Сербия астанасы Белград қаласында өтіп жатқан бокстан әлем чемпионатында қазақстандық Сәкен Бибосынов кезекті жекпе-жегін сәтті өткізді.
51 келіде сынға түскен Бибосынов 1/8 айналымда үндістандық Дипакпен кездескен болатын. Тартысты жекпе-жекте Сәкен Бибосынов 5:0 есебімен жеңіске жетті.
Бүгін тағы екі боксшымыз шаршы алаңға шығады. Олар – Санатәлі Төлтаев (63,5) келі және Нұрбек Оралбай (80 келі).
