Төрт жасар бүлдіршін қыз абайсызда жұтып қойған моншаққа тұншығып көз жұмды. Оқиға туралы ақпарат алдымен әлеуметтік желілерде тарады.
Аталған оқиғаға байланысты Алматы облысы ПД баспасөз қызметі түсініктеме берді.
«Сот-медициналық сараптама кезінде баланың тамағынан қатты пластик зат шыққаны анықталды. Қазіргі таңда аталған оқиға қатысты Қылмыстық кодекстің 141-бабы 2-бөлігі бойынша (Абайсызда кәмелетке толмаған баланың өліміне әкеп соққан балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау) қылмыстық іс қозғалып, сотқа дейінгі тергеу шаралары басталды», – деп мәлімдеді ПД баспасөз қызметі.
