Қарағанды қаласындағы Майқұдық шағын ауданындағы Мәдениет сарайы алаңында Ұлт көсемі, Алаш арысы Әлихан Бөкейхан ауданы салтанатты түрде ашылды. Жиынға келген жұрт шашу шашып, әнмен әрлендірді. Тәуелсіздіктің 30 жылдығына тартудың ең озығы осы болса керек.
«Алаш» партиясы көшбасшысы Әлихан Бөкейханның туғанына биыл 155 жыл толды.
Қарағандылықтарды көптен күткен тарихи оқиғамен қала әкімі Ермағанбет Бөлекбаев құттықтады.
– Ауданды қайта атау – бұл, ең алдымен, Әлихан Бөкейханның тарихи қызметіне, жалпы еліміздің тарихына берілген құрмет. Ауданның атауы ғана емес, келбеті де өзгереді. Соңғы бірнеше жылда үйлердің қасбеттерін, шатырларын, кіреберіс жолдары мен орамішілік жолдарды жөндеу бойынша үлкен жұмыстар жүргізілді. Майқұдық орталық жолын ауқымды қайта құру аяқталды. Бірнеше заманауи тұрғын үй кешендерінің құрылысы жүріп жатыр, шағын аудандарда жаңа емханалар іске қосылды. Қайта құру жұмыстарынан кейін «Литейщик» стадионы ашылды. Алда әлі талай өзгерістер бар, – деді Ермағанбет Бөлекбаев.
Аудан 1938 жылы қаланың солтүстік бөлігінде құрылған. 1961 жылға дейін Сталин деп аталды. Содан кейін ол Октябрь деп аталды. Оның ауданы – 22,4 мың га, халқы – 227 мың адам. Құрамына Майқұдық, Пришахтинск, Сұрыптау кіреді.
[caption id="attachment_175189" align="alignnone" width="900"] Бөкейхан[/caption]
– Әлихан Бөкейханның «халықтың пікірі мен еркі – Заңның жоғары сатысы» деген жақсы сөздері бар. Тәуелсіздік күні қарсаңында Октябрь ауданы Қазақстанның бірлігін, оның болашағын жақтаған адам – Әлихан Бөкейхан атындағы аудан болып қайта аталды деп мақтанышпен айтамыз, – деп атап өтті Қарағанды қалалық мәслихатының хатшысы Құдайберген Бексұлтанов.
Әлихан Бөкейханов 1866 жылы 5 наурызда Семей облысы Қарқаралы уезінің Тоқырауын болысының ауылында дүниеге келген. Ол мемлекет және қоғам қайраткері, журналист және ғалым, «Алаш» ұлттық-демократиялық партиясының ұйымдастырушысы және көшбасшысы, сондай-ақ 1917 жылы Алаш автономиясының төрағасы, Қазақстан бойынша Уақытша үкіметтің комиссары болды. Кейін ол «террористік ұйымға» қатысы бар деген айыппен сотталып, атылды. 1989 жылы ақталды.
Қарағандылықтарды көптен күткен тарихи оқиғамен қала әкімі Ермағанбет Бөлекбаев құттықтады.
Бөкейхан[/caption]