БҚО бас мемлекеттік санитар дәрігерінің жаңа қаулысы шықты.
Қаулыға сәйкес, Қазақстанда коронавирус инфекциясының таралуын болдырмау мақсатында, сондай-ақ БҚО аумағында қалыптасқан эпидемиологиялық жағдайды ескере отырып, өңір аумағында қатаң карантиндік шектеу шаралары енгізіледі
Оқушы саны 600-ге жетпейтін облыс және аудан орталықтарындағы мектептер штаттық режимде оқиды.
Ал оқушы саны 600-ден асатын мектептер қашықтан оқытуға көшеді. Тек ауыл мектептері бұрынғыша қала береді. 1-2-сыныптар штаттық режимде оқыса, 3-5-сыныптарда кезекші сыныптар ашылады.
Колледждер мен ЖОО студенттері аралас оқытуға көшеді. Барлық дәрістер онлайн, икемді кесте бойынша беріледі.
Ал тәжірибелік, зертханалық, семинарлық сабақтар штаттық режимде болады. Сондай-ақ екпенің толық курсынан өткен оқушылар мен студенттерді оқу орындары басшыларының ұйғарымына сәйкес оқытуға рұқсат беріледі.
