Парламент Сенатының депутаттары Қазақ ұлттық өнер университетінің профессорлық-оқытушылық құрамымен кездесу өткізді. Жиында конституциялық реформаның маңызы талқыланып, Референдум демократияның жоғары көрінісі екені аталып өтілді.
Алқалы жиынды алғысөзімен ашқан сенатор Владимир Волков Конституцияға енгізілетін өзгерістердің мәні мен маңызын түсіндірді. Сондықтан Жаңа Қазақстанды құру үшін «халық үніне құлақ асатын мемлекет» қағидасына сәйкес, қоғамның ел заңына өзгеріс енгізуіне мүмкіндік беріліп отырғанын жеткізді.
Сенат депутатының айтуынша, бұл жолы 18 жасқа толғандар референдумға алғаш рет қатысады. Мұндай оқиға елімізде екінші рет өткелі тұр. Ең біріншісі 1995 жылы қазіргі Конституция қабылданған кезде, яғни Президенттің өкілеттіктерін ұзарту бойынша дауыс беруде өткізілген. «Менің ойымша, әрбір азамат Қазақстанның маңызды қадамына қолдау білдіру үшін учаскелеріне барып, Конституцияға өзгеріс енгізуге немесе оған қарсы дауыс беруге болатын жалғыз сұраққа дауыс беру керек. Конституциялық кеңес барлық түзетулерді мойындады. Елдің негізгі заңына енгізілетін басты түзетулердің бірі – жер және табиғи ресурстар туралы ережелер. Жаңа нұсқасында жерге, оның қойнауына және байлығына барлық меншік құқығы халыққа тиесілі деп айтылған. Ал сіздер бұл нормаға қарсы дауыс бере аласыздар ма? Ал өлім жазасына тыйым салынатынына қарсы дауыс бергіңіз келе ме? Біз әріптестерімізбен бірге бұл жолға ұзақ жеттік», – деді спикер.
Сондай-ақ Владимир Волков еліміз қылмыстық және өзге де кодекстерге, халықаралық келісімдерге қол қойғанын алға тартты. Енді Конституция өлім жазасын толығымен жояды. Қарапайым адамның құқығын кеңейту мәселелері қаралып, бұл үшін адам құқықтары жөніндегі уәкіл мәртебесі тағайындалады. Бұл – өте маңызды өзгеріс. Егер қазір бар Конституциялық Кеңес бұзушылықтар тәжірибесін жинақтап, ұсынымдар түрінде баяндамалар жасаса әрі оның құқықтары бұзылды деп есептесе, әр адам нақты өтініш бойынша Конституциялық сотқа жүгіне алады. Осылай деген сенатор егер бұл азаматтардың құқығын бұзса, не заң нормасын немесе бүкіл заңды жойса, сот қорытынды шығаратынын жеткізді.
