Қазақстан мен Қытай 1 шілдеден бастап тікелей әуеқатынасын жандандырады, – деп хабарлайды ҚХР-дың Нұр-Сұлтандағы елшілігі. Қазақстан коронавирустың ел аумағында таралуына жол бермеу мақсатында 2020 жылғы ақпанда Қытаймен тұрақты жолаушылар әуетасымалын тоқтатты.
"Қытай мен Қазақстан арасындағы тиісті келісімге сәйкес, 1 шілдеде екі ел арасындағы тікелей коммерциялық рейстер қайта жанданды", – делінген елшіліктің хабарламасында.
Қазақстаннан Қытайға баратын жолаушыларға бірқатар рәсімнен өту қажет екені түсіндірілген. Олар ұшу алдында оқшаулануға 10 күн жұмсауы керек, денсаулығын өз бетінше бақылап, тиісті кепілдік хатқа қол қоюы керек.
