Павлодарда иттердің көрмесі өтті (фото)

Жағалауда өткен иттер көрмесінде эльдертерьер, лабрадор, той-терьер, шпицтер, корги, малинуа, таксалар, йоркшир терьері, орыс аңшылық спаниелі және басқа да иттердің түрлері көрсетілді. Павлодар облыстық «Альянс» ит өсірушілер клубының төрайымы Данара Сейтқанованың айтуынша, шараға әртүрлі иттердің иелері шақырылған. Олар иттердің түрлерімен таныстырып, төртаяқтылардың қандай қабілеттері бар екені жайлы айтып берді. Мәселен, Шерлок есімді коргидің иесі Татьяна Столярова иті немерелеріне ит сияқты жүзуді үйреткенін айтады.

"Шерлок бассейнде балаларға қалай жүзу керектігін көрсетті және балалар үйреніп алды. Егер ол бассейнде немерелерімнің жалғыз екенін көрсе, айналасында жүгіріп жүріп, барлығы жақсы екеніне көз жеткізеді", – деп күледі Татьяна.

Оның сөзінше, Шерлок балаларды өте жақсы көреді және шопан рөлін атқарады: балаларды өкшесінен сүйретіп, әжесіне қайтарады. Корги тек иесін ғана тыңдайды. Ал бельгиялық ит – малинуа Бригитт-Василисаны үйде Вася деп атайды.

"Малинуаны жаттықтыру оңай, - дейді Валентина Павлухина. - Тек тістегенді ұнатады, сондықтан мұндай тұқымды ұстау қиындау болады, өйткені ол тәулік бойы өзіне көңіл бөлуді қажет етеді."

Полицейлердің арасында кеңінен танымал төбетті басқаларға озбырлық танытпау үшін жаттықтыру керек. Валентинаның жаттықтыруы нәтижесінде табиғатынан қатал ит қыста балаларды ит шанамен сүйретіп ойнатады. Орыс аңшылық спаниелі Леонардо айналасына агрессия көрсете қоймайды. Қожайыны Ольга Доцкованың айтуынша, Леонардо әлі кішкентай, жүзуді енді үйреніп жүр, суда тапқан таяқтар мен тастарды алып келеді. Көрмеге жиналған тұрғындар ит өсірушілердің әңгімесін қызығушылықпен тыңдады. Эльдертерьер – терьер тұқымындағы ең үлкен ит. Иесінің айтуынша, британдықтар бұл тұқымды ұзақ уақыт бойы аң аулау үшін өсірген. Аңшыларға есту, көру қабілеті жоғары және қылшығы су жұқтырмайтын, батыл және төзімді көмекші қажет болған. Бұл иттер кезінде соғысқа қатысып, саперлер мен санитарлар ретінде қызмет еткен. Көрмеге келген тағы бір терьер – йоркшир, Франс Старс Нейсон Ори, қысқаша Нейсон. Иттердің бұл түрі XIX ғасырда Англияда тышқандар мен егеуқұйрықтарды аулау үшін өсірілген.

"Мен мектепте ит өсіргім келді, бірақ ата-анам рұқсат бермеді, - деп еске алады Юлия Самарцева, Бублик есімді орыс той-терьерінің иесі. – Қазір мен жұмыста көп уақыт өткізетіндіктен және серуендеуге мүмкіндік болмағандықтан, осындай кішкентай түрін алдым. Бубликті пәтерде ұстау қолайлы және ол мысықтармен дос".

Дог-шоу қорытындысы бойынша барлық қатысушылар мен олардың иттеріне Алғыс хаттар, ал «Адам және ит» байқауының жеңімпаздарына кубоктар табысталды.