Бүгін ҚХР-дан 13 ақпанда келген қазақстандықтар карантиннен шығып, тексеру теріс нәтиже берді, – деп хабарлайды zakon.kz.
Денсаулық сақтау басқармасының ақпараты бойынша, студенттерден басқа үш отбасы бар, олардың арасында тоғыз және алты жастағы екі бала бар. Барлығының жағдайы қанағаттанарлық.
Оларды өз үйлеріне тарату үшін әкімдік 14 автобус бөлген.
Алматы қаласы Қоғамдық денсаулық басқармасы басшысының міндетін атқарушы Тілеухан Әбілдаевтің айтуынша, келгендердің барлығы үш тәулік бойы медициналық қызметкерлердің бақылауында болған, онда үш сағаттық термометрия жүргізілген, мұрын жұтқыншақ жағындылары және қан талдаулар алынды, олар ғылыми сараптама орталығына жіберілді.
«Тексеру нәтижелері бойынша барлық емделушілерде талдаулар коронавирусты көрсетпеді. Келушілерді орналастыру үшін жеті бөлімше ұйымдастырылғанын атап өткім келеді. Барлық азаматтар қолайлы палаталарға орналастырылды. Келгендердің жеке заттары мен багажы санитарлық өңдеуге жіберілді, барлығына ауыстырмалы киім-кешек берілді. Бүгін, үш күн карантиндеуден кейін барлығын тұрғылықты жері бойынша амбулаториялық бақылауға аламыз. Олардың құжаттарын да жергілікті медициналық мекемеге жібереміз. Олар 14 күн бойы учаскелік дәрігерлердің бақылауында болады», - деп атап өтті Тілеухан Әбілдаев.
Өз кезегінде емделушілер мемлекетке, Үкіметке, Денсаулық сақтау министрлігіне, қала әкімдігіне және медицина қызметкерлеріне жақсы ұйымдастырылған жылы қабылдаулары үшін алғыс айтты.
ҚХР-дан тасымалданған азаматтардың бірі, Қытайдағы Нанкин почта және телекомуникация университетінің 20-жастағы студенті Марина Потапова алған әсерлерімен бөлісті.
«Біздің ұшаққа отырғызған кезде, барлығымызды аты-жөні бойынша бортқа шақырды. Онда бізді бірден тыныштандырды, температураны өлшеді. Біріншіден, Бұл жерде бізге қандай мейірімділікпен, қандай түсінікпен қарап жатқандарын таң қалдырды және қуантты. Біз отбасымызға түскендей сезіндік. Дәрігерлер мен медбикелердің батылдығына риза болдым. Олар ауру жұқтырудан қорықпады. Бізге түсіністікпен қарады. Күн сайын бізбен психологтар жұмыс істеді, өйткені басында біздің эмоционалдық жағдайымыз нашар болатын, - дейді Марина.
Екі күн ішінде 90-нан астам медицина қызметкерлері карантиндегі адамдар үшін ең қолайлы жағдай жасауға тырысты. Жеті психолог оларды тыныштандырып, ұдайы әңгімелесіп тұрды.
13 ақпан 2020 Алматы халықаралық әуежайына Қытайдан арнайы рейс келді. Бортта барлығы 211 адам болды,олардың ішінде 171 Қазақстан азаматы және 40 Қырғызстан азаматы, олар өз кезегінде Қырғыз тарапына беріліп, Қырғыз Республикасының аумағына жеткізілді.
