Қазақстанда бір тәулікте 203 адамнан коронавирус, 13 адамнан пневмония анықталды. Бұл туралы Денсаулық сақтау министрлігі хабарлады.
9 желтоқсандағы жағдай бойынша, коронавирустан – 1 460 (КВИ+), коронавирус пневмониясынан – 207 (КВИ-), барлығы 1 667 адам емделіп жатыр. Олардың ішінде 263 пациент стационарда, 1 404 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
– 7 адамның жағдайы ауыр;
– 5 пациенттің жағдайы өте ауыр;
– 4 науқас өкпені жасанды желдету аппаратына қосылған.
Жалпы, бүгінге дейін Қазақстанда коронавирусқа қарсы вакциналардың I компонентімен 10 851 169 адам, II компонентімен 10 615 172 адам егілді. Ревакцинациядан 5 676 452 тұрғын өтті.
