Түркиядағы зілзала кезінде жоғалып кетіп, артынша мәйіті табылған Мирболат Құрмашевтің бауыры Алмат Құрмашев қазақстандық құтқарушыларға алғысын айтты.
"Туыстары мен достарының атынан Қазақстан Республикасы Төтенше жағдайлар министрлігінің құтқарушыларына үлкен алғысымызды білдіреміз.
- Дмитрий Денисов
- Беков Ильдар
- Исмаил Жан
- Асанбаев Бүркіт
Құтқарушыларымыз өз өмірлерін қатерге тігіп, қиын үйінді астынан азаматтарымыздың денесін алып шықты. Нағыз батырлар, көп рақмет!", – деп жазды Алмат Құрмашев әлеуметтік желідегі парақшасына.
Айта кетейік, Мирболат Құрмашевтің денесі кеше Алматы қаласына жеткізілді, бүгін жер қойнына тапсырылды. Оны танитындар мықты маман болғанын айтады.
