«AMANAT» партиясы Алматы облыстық филиалы атынан облыстық мәслихат депутаттығына кандидаттар Қуат Байғоджаев, Бекзат Мырзахмет, Талғат Байеділов, Жанарбек Әшімжанов ақын туып, батыр өскен Райымбек ауданы Қарасай ауылына барды. Елді мекен тұрғындарымен кездесіп, үгіт-насихат жұмыстарын жүргізді.«Жолдардың сапасына қатысты азаматтардан әділ сынды жиі естиміз. Сапалы жол – азаматтардың қауіпсіздігінің, медициналық көмектің, мемлекеттік қызметтердің қолжетімділігінің кепілі, экономика мен сауданы дамытудың маңызды шарты. «АМАNАТ» партиясы бұзылған жолдар, сапасыз жөндеу жұмыстары, ұзақ уақытқа созылатын жол құрылысы, жол құрылысындағы сыбайлас жемқорлық өмірімізде қалыпты құбылыс болып қалмауы үшін күш салады», − деді жиында Қуат Байғоджаев.
Сонымен қатар жиында халықтың тұрмыс жағдайын жақсартуға арналған партия бастамалары сөз болды.
Айтуларынша, нақты шаралар нәтижесінде 2027 жылға дейін облыс тұрғындарының 100%-ы сапалы ауыз суға қол жеткізеді. Аудан-қала жұртының 96,7%-дан астамы газбен қамтылады.
Алматы облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді
