Атырау облыстық аумақтық сайлау комиссиясының төрағасы Азамат Айманакумовтың айтуынша, жабық учаскелер жұмысыоблыс бойынша 9 ауруханада, 1 әскери бөлім мен уақытша қамау орнында ұйымдастырылған.
"Әскери бөлімде сайлаушылар таңғы сағат 6.00-ден бастап өз таңдауларын жасаса, қалған жабық учаскелерде дауыс беру 7.00-де басталды. Қазір ол учаскелерде дауыс беру аяқталып, бюллетеньдерді санау жүріп жатыр", – деді Азамат Айманакумов.
Атырауда Мәжіліс пен мәслихат депутаттарының кезектен тыс сайлауы бойынша 269 сайлау учаскесі құрылған, оның 11-і – жабық учаскелер.
Атыраудағы сайлау процесін бақылауға Еуропадағы қауіпсіздік пен ынтымақтастық жөніндегі ұйымнан 14 байқаушы келіп, өз жұмыстарын атқаруда. Сондай-ақ 1 500-ге жуық ұлттық байқаушы сайлау процесіне қатысып жатыр.
Сағат 16.00-дегі ахуал бойынша, Атырау облысында сайлаушылардың 48,15%-ы дауыс берген.
Атырау облысы бойынша 412 165 сайлаушы бар.
