«Қазгидрометтің» хабарлауынша, 19 сәуірде ауа райына атмосфералық фронт әсер етеді. Еліміздің солтүстік, шығыс, оңтүстік-шығысы мен орталығында ауа райы құбылмалы болады.
Жаңбыр мен қар жауады. Солтүстігінде қар, жаяу бұрқасын болуы ықтимал. Тек қана батыста және оңтүстікте жауын-шашын болмайды.
Республиканың барлық аумағында жел тұрып, тұман болады. Солтүстікте, шығыста және орталықта – көктайғақ, оңтүстік-батыста шаңды дауыл тұрады.
Түнде Жетісу облысында 2-7 градусқа дейін, Алматы, Жамбыл облыстарында 1-6 градусқа дейін, Түркістан облысының солтүстігінде, таулы аудандарында, Қызылорда облысының солтүстігінде топырақ бетінде 2-3 градусқа дейін үсік жүреді.