Әділет департаментінің шешімімен Астанада салынып жатқан Washington тұрғын үй кешені сүріледі.
Тұрғын үй кешенінің құрылысы рұқсатсыз, құрылыстың басталғаны туралы хабарламай және жер теліміне құқықсыз жүргізілген, – дейді қоғам белсендісі Дидар Смағұлов.
"11 қаңтарда борышкерге сот актісін орындау қажеттігі туралы хабарлама берілді. Актілер бойынша аталған нысанда құрылыс-монтаж жұмыстары әлі жалғасып жатқаны анықталды. Борышкер 138 мың теңге айыппұл түріндегі әкімшілік жауапкершілікке тартылды. 21 қаңтар-21 ақпанға дейінгі аралықта мерзімі өткен әрбір күн үшін өсімпұл алынды. Сома – 1 миллион 104 мың теңге ", – деп хабарлады қалалық Әділет департаментінің баспасөз қызметі.
Қазір сот борышкерден қайтадан өсімпұл өндіру туралы сот орындаушысының екінші ұсынысын қарап жатыр.