Алматы облысы Полиция департаментінің экс-басшысы Серік Күдебаев сот үкіміне шағымданды. Бұл туралы Aikyn.kz сайты Zakon.kz-ке сілтеме жасап хабарлайды.
Жетісу облыстық сотының мәліметінше, сотталған Серік Күдебаев апелляциялық шағым түсірген.
«Серік Күдебаевтың үстінен қозғалған қылмыстық іс бойынша апелляциялық шағым 29 маусым сағат 15.00-де Жетісу облыстық сотында қаралады деп белгіленді», – делінген ресми хабарламада.
Биыл 28 сәуірде Серік Күдебаев 10 жылға бас бостандығынан айырылды.
Бұған дейін Серік Күдебаевтың ұлы шетелге қашқан әкесі туралы ел күтпеген мәлімдеме жасаған еді.