Алты жасар бала Атырау облыстық балалар ауруханасының жансақтау бөлімінде жатыр.
Атырау облысы Денсаулық сақтау басқармасы басшысының орынбасары Алмагүл Абилованың айтуынша, қайықтардың соқтығысуынан 7 адам ауруханаға жеткізілген.
– Атырау облыстық ауруханасына 3 науқас медициналық көмекке жүгінді. Оның 2-еуі амбулаторлық ем қабылдауға үйіне жіберілді. ЛОР бөлімінде 1 адам ем қабылдауда. Облыстық балалар ауруханасына 4 бала көмекке жүгініп, 1-еуі амбулаторлық ем қабылдауда. 2017 жылғы науқас жансақтау бөлімінде. 2009, 2007 жылы туған науқастар түрлі дәрежеде жарақат алған, – деді Атырау облысы Денсаулық сақтау басқармасы басшысының орынбасары Алмагүл Абилова.
Қазіргі таңда ҚР Қылмыстық кодекстің 344-бабы 1 бөлігімен (темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу) сотқа дейінгі тергеу амалдары жүргізіліп жатыр.
Еске сала кетелік, 3 шілде күні сағат 20:05 шамасында Жайық өзенінде екі қайық соқтығысқан еді.
Баян Жанұзақова
Фото: lentaregion.ru