5 тамызда Алматы облысы Еңбекшіқазақ ауданы Бәйдібек би ауылындағы үйлердің бірінің ауласында зорлықпен өлім белгілері бар 17 жастағы жасөспірімнің мәйіті табылды.
«Жасөспірімге мылтықпен оқ атып жарақаттан қаза болғаны анықталды. Ол мылтық ұсталғандардың бірінің әкесіне тиесілі. Қазіргі уақытта 9 күдікті УҰИ-на қамалды, бұл факт Қылмыстық кодекстің 99-бабы 9-тармағының 2-бөлігі,14-тармағы бойынша аудандық полицияда тіркелді және сотқа дейінгі тергеу басталды», – деді Алматы облысы ПД бастығы Бауыржан Әленов.
Түнгі сағат 12-де жастар арасында төбелес болып, қатысушылардың бірі атыс жарақатын алып, қайтыс болғаны анықталды.
Облыс ПД бастығының айтуынша, қазір сот-медициналық сараптама тағайындаумен барлық қажетті тергеу шаралары жүргізілуде.
«Басқа қатысушыларға қатысты Қылмыстық кодекстің 293-бабы бойынша қылмыстық іс қозғалды», – деп нақтылады Әленов.