Теміртау қаласының тұрғынынан 2 млн теңге бопсалаған ер адам ұсталды, – деп хабарлады Рolisia.kz.
«Полиция басқармасына 34 жастағы қала тұрғыны арызданды. Ол әлдебір адамның өзіне күш қолданып, қорқыту арқылы 2 млн теңге бопсалағаны туралы хабарлады.
Қарағанды облыстық Полиция департаменті Ұйымдасқан қылмысқа қарсы күрес басқармасының қызметкерлері «Арлан» жауынгерлерімен бірлесіп жүргізген кешенді жедел-іздестіру шаралары барысында 28 жастағы ер адамды ұстады.
Күдіктінің тұрғылықты мекенжайына жүргізілген тінту жұмыстары кезінде кастет және пневматикалық тапанша тәркіленді.
Аталған дерекке байланысты Қылмыстық кодекстің 194-бабына ("Бопсалау") сәйкес сотқа дейінгі тергеу жүргізіліп жатыр. Күдікті уақытша ұстау изоляторына қамалды», – делінген мәліметте.
Сурет видеодағы кадрдан алынды