Polisia.kz-тің дерегінше, Павлодар облысы ПД ҰҚҚКБ қызметкерлері интимдік қызметті ұйымдастыруға қатысы бар күдікті қылмыстық топты анықтады.
Бір мезгілде Павлодар және Екібастұз қаласында жезөкшелік және жеңгетайлықпен айналысқан 5 боди-массаж салонының жұмысын тоқтатты.
«25 тінту жүргізілді. Полицияға 30-дан астам адам жеткізілді. Оның ішінде, әкімшілер, массажистер және осы мекемелердің клиенттері бар. Тінту барысында 10 млн теңге және 1 600 АҚШ доллары сомасында ақшалай қаражат, екі аңшы мылтығы, екі газ тапанша, кастет, рөлдік ойындарға арналған киім жинақтары, маскалар, қамшылар, кісендер, жарнамалық өнімдер, прайс-парақтар, визиткалар және сыйлық сертификаттары тәркіленді. Полицейлер өздерін кәсіпкер ретінде көрсететін жоғарыда аталған массаж салондарының иелері мен ұйымдастырушыларын анықтады», – деді Павлодар облысы ПД Ұйымдасқан қылмысқа қарсы күрес басқармасының бастығы Ғабит Қабдрахманов.
Қазір 4 факті негізінде Қылмыстық кодекстің 309-бабы бойынша сотқа дейінгі тергеу жүргізіліп жатыр. Тергеу жалғасып жатыр.
Фото: polisia.kz