Алматы қаласының Кемел шағын ауданында «AMANAT» партиясының Сайлауалды бағдарламасын іске асыру жөніндегі Жол картасы шеңберінде салынып жатқан жаңа отбасылық-дәрігерлік амбулаторияны ашу жоспарлануда.
Бүгін Жетісу ауданында салынып жатқан орталықта болып, оның пайдалануға дайындығын бағалады. Іс-шараға ҚР Парламенті Мәжілісінің депутаттары, «AMANAT» партиясы фракциясының мүшелері Айгүл Құспан мен Никита Шаталов, қалалық мәслихат депутаттары, сондай-ақ мемлекеттік органдардың өкілдері қатысты.
Қазіргі уақытта бұл ауданда 124 мың пациенті бар үш емхана ғана медициналық қызметтерге қол жеткізуді ұсынады. Қалған 50 мың тұрғын көрші аудандарға медициналық көмекке жүгінуге мәжбүр. Медициналық мекемелердің ең өткір тапшылығы дәл Кемел шағын ауданында, Саяхат автовокзалының жанында және Жұмысшы кентінің тұрғын алабында сезіледі.
«Жаңа отбасылық-дәрігерлік амбулатория жалпы практика дәрігерлерінің, педиатрлардың, акушер-гинекологтардың кабинеттерін, сүзгі кабинетін, отбасын жоспарлау кабинетін, дені сау баланың кабинетін, дәрігерге дейінгі, рәсімдік және егу кабинеттерін қоса алғанда, медициналық қызметтердің кең спектрін ұсынатын болады. Мұнда біздің азаматтарға білікті медициналық көмек алу үшін барлық жағдайлар жасалады. Тұрғындар бұл амбулаторияны асыға күтетініне және ол ұсынатын барлық медициналық қызметтерді қуана пайдаланатынына сенімдімін», – деп атап өтті мәжілісмен Айгүл Құспан.
Қазіргі уақытта нысан 97%-ға аяқталды, жарықтандыру құрылғыларын әрлеу және орнату бойынша құрылыс-монтаждау жұмыстарын орындау жалғасуда. Нысанды тапсырудың жоспарланған мерзімі – ағымдағы жылдың соңына дейін. Осы медициналық филиал ашылғаннан кейін Кемел шағын ауданының 22000-нан астам тұрғыны өз аймағында білікті медициналық көмек ала алады, бұл аймақтағы жалпы денсаулық жағдайын жақсартуға және халықтың қол жетімді медициналық көмекке деген қажеттіліктерін қанағаттандыруға көмектеседі.