Әлеуметтік желілерде Қаржы министрі Ерұлан Жамаубаевты полицияның ұстап алғаны бейнеленген сурет жарияланды. Суреттің астындағы сілтемеде министрді «Қазақстан Банкі»-нің сотқа бергені туралы жазылған мақала орналастырылған. Қаржы министрлігі бұл ақпаратты жоққа шығарып, жалған екенін мәлімдеді, – деп жазады kursiv.media.
ҚР Қаржы министрлігінің баспасөз қызметі министрге қатысты сот процесінің болмағанын, оның ұсталуына қатысты фотосуреттердің жалған екенін мәлімдеді.
«Желіде қоғамдық тәртіпті бұзатын себеп тудыруға, сондай-ақ азаматтардың құқықтары мен заңды мүдделеріне және қоғам мен мемлекеттің заңмен қорғалатын мүдделеріне зиян келтіруге бағытталған анық емес, көпе-көрінеу жалған ақпарат таратылды. Осы құқыққа қайшы әрекеттер үшін қылмыстық жауапкершілік қарастырылған», – деп еске салды министрлік.