Қазақстандық ескекшілер Сергей Емельянов пен Тимур Хайдаров Қытайда өтіп жатқан Азия ойындарында үздік атанды, - деп хабарлайды Aikyn.kz.
Қазақстанның ерлер командасы каноэда 500 метр қашықтықта сынға түсіп, 1:49.010 көрсеткішпен мәре сызығына бірінші болып жетті.
Бұл ел қоржынына түскен төртінші алтын медаль.
Екінші орынға Жапония тұрақтады, ал үшінші орын ирандық ескекшілердің еншісінде.