"Қазгидромет" синоптиктері 20 қазанға арналған ауа райы болжамын жариялады, – деп хабарлайды Aikyn.kz.
Ресми ақпарат бойынша, республиканың батыс жартысының ауа райын оңтүстік циклон және оған байланысты атмосфералық фронтальды бөлімдер анықтайды.
"Соның әсерінен жаңбыр жауады, еліміздің оңтүстік-батысында түнде қатты жаңбыр жауады. Елдің шығыс жартысында әлі де ашық, жауын-шашынсыз ауа райы болады. Оңтүстік-шығыста, күндіз солтүстікте жел күшейеді, Қазақстанның солтүстігінде, солтүстік-батысында көктайғақ күтіледі. Қазақстан бойынша түнгі және таңертеңгі уақыттарда тұман түседі", – делінген хабарламада.