Астана қаласында өткен баспасөз мәслихатында Цифрлық даму, инновациялар және аэроғарыш өнеркәсібі министрлігі Телекоммуникациялар комитеті Байланыс саласындағы бақылау басқармасының басшысы Диас Төлегенов осы сұрақтың жауабын берді.
«Қазір оны дәл осы нұсқада пайдалану қолданыстағы заңнама талаптарын бұзады, себебі бұл қауіпсіздіктің кейбір ережелеріне сай келмейді. Бұл тұрғыда, пилоттық жоба аясындағы техникалық жұмыстар аяқталып, яки еліміздегі мектептер Starlink-ке қосылып, заңға тиісті өзгерістер енгізілгенге дейін аталған құрылғыларды жеке адамдардың пайдалануы заңсыз болып есептеледі», – деді ол.
Ал заңнамаға түзетулер енгізілгеннен кейін қазақстандықтар бұл жабдықтарды пайдалана алады. Оның айтуынша, осы құрылғыларды заңсыз қосқандар бастапқыда ескерту алады екен. Одан соң тағы қайталанар болса, 10 АЕК сомасында айыппұл салынады. Естеріңізде болса, биылғы қазан айында 10 ауылдық мектеп SpaceX компаниясының Starlink технологиясы арқылы тестілік режимде кеңжолақты интернетке қосылатыны хабарланған болатын.