"Қазгидромет" синоптиктері 23 қарашаға араналған ауа райы болжамын жариялады, - деп хабарлайды Aikyn.kz.
Бүгін республиканың басым бөлігіне Оңтүстік-Каспий циклоны және онымен байланысты атмосфералық фронт әсер ететіндіктен, жауын-шашын болады.
Солтүстік-батыста, оңтүстік-батыста, Қазақстанның оңтүстік және оңтүстік-шығысындағы таулы аудандарда жаңбыр, қар түріндегі қатты жауын-шашын түседі. Республика бойынша тұман болады, көктайғақ, солтүстік-батыста жел күшейеді.
Қостанай облысының оңтүстігінде, Солтүстік Қазақстан облысының оңтүстігінде, батысында, Ақмола облысының солтүстігінде, шығысында, Жамбыл облысының оңтүстік-батысында, Түркістан облысының тау асуларында жел 23-28 м/с, кейде екпіні 30 м/с және одан да көп болады деп күтілуде.