Барлық азаматтардың дамуы мен өзін-өзі жүзеге асыруы үшін жағдай жасау, негізгі теңсіздікті жою, медицина мен білімге қолжетімділікті қамтамасыз ету. Осы және басқа да қадамдар қазір Әділ Қазақстанды құру үшін жасалып жатыр. «AMANAT» партиясының төрағасы Ерлан Қошанов осындай пікірде, – деп хабарлайды Aikyn.kz.
Саясаткер «Казахстанская правда» газетіне берген сұхбатында мемлекет өз азаматтарының лайықты өмір сүруі мен адал еңбек етуі үшін жағдай жасауы керектігін баса айтты.
«Әділетті Қазақстан – мифтік мақсат емес. Президент бұл туралы айтқанда болашақтың өте айқын, көреген бейнесін көрсетті. Бұл азаматтардың тұрғылықты немесе шыққан жеріне қарамастан, сапалы инфрақұрылымға, ең алдымен, әлеуметтік қолжетімділікке тең қол жеткізе алатын ел. Тәртіп пен заң үстемдігі барлығына ерекшеліксіз билік ететін ел. Адамның кедей немесе бай болуына қарамастан, бастапқы мүмкіндіктердің теңдігі қамтамасыз етілген жерде, барлық азаматтардың дамуы мен өзін-өзі жүзеге асыруы үшін негізгі жағдайлар жасалған жерде», – деді ол.
Мәселен, жемқорлардан тәркіленген қаражаттың арқасында еліміздің барлық өңірінде 70 мектеп салынып жатыр, келесі жылдан бастап Қазақстанда әрбір кәмелетке толмаған балаға жеке шот ашылады, онда Ұлттық қордың инвестициялық пайдасынан түсетін қаражат бөлінеді. «Ауыл аманаты» бағдарламасы аясында ауыл тұрғындарының кірісі ұлғаяды. Ал бұл атқарылып жатқан істердің аз ғана бөлігі.
«Осы жылдар бойына тиісті көңіл бөлінбеген мәселелерді қолға алдық. Бұл әдемі мегажобалар мен зәулім ғимараттар емес, адамдардың күнделікті әл-ауқаты тікелей тәуелді болатын өмірлік маңызды нысандар. Мысалы, бүгінде аса маңызды инфрақұрылымды қалпына келтіруге және қайта құруға өте үлкен қаражат жұмсау қажет», – деді AMANAT төрағасы.
Ерлан Қошановтың айтуынша, Президенттің барлық саяси реформаларының мақсаты – қазақстандықтардың болашақ ұрпағы геосаяси сілкіністер мен дағдарыстардан қорықпайтын бай елдің мұрагері болуын қамтамасыз ету.
«Мемлекет басшысының күші мен беделі оның саяси философиясы мен дүниетанымын нақты мемлекеттік институттарда, жаңа қоғамдық қатынастарда, қазіргі Қазақстанның мәдениетінде, дәстүрлері мен құндылықтарында көрініс тауып жатыр. Бұл отандастарымыздың ойынан шығатыны сөзсіз», – деді ол.