Онда Ұйымдасқан қылмысқа қарсы күрес департаментінің бастығы Қанат Нұрмағамбетов қылмыстық істер статистикасын келтірді. Оның айтуынша, жыл басынан бері полиция органдары 124 қылмыс тіркеген. Оның ішінде, адам саудасына қатысты 27 факті бар, соның ішінде кәмелет жасына толмағандарды сату дерегі – 22. Жезөкшелікке тарту – 10, оның ішінде кәмелет жасына толмағандарды тарту – 5. Адам ағзасын сату – 4, қанау мақсатымен бас бостандығынан айыру – 4, притондар ұйымдастыру, жеңгетайлық – 79 факті.
«Таяуда республикалық «Стоп трафик» жедел алдын алу іс-шарасы аяқталды. ЖААІШ барысында 39 дерек әшкере болды. Оның ішінде бесеуі адам ағзасын сатумен байланысты. Еңбекті қанау мақсатымен адамды заңсыз бас бостандығынан айырудың 3 фактісі анықталды. Адам саудасына қатысты 7 қылмыс тіркелді. Оның ішінде бесеуі кәмелет жасына толмағандарды саудалаған. Жезөкшелікке итермелеудің 4 фактісі белгілі болды. Оның ішінде үшеуі кәмелет жасына толмағандар. Сондай-ақ притон ұйымдастырып, жеңгетайлықпен айналысудың 24 дерегі анықталды», – деді ІІМ өкілі.
Сондай-ақ жезөкшелік пен жеңгетайлық ұйымдастырылатынын біле отырып, ғимаратты жалға ұсынғаны үшін 51 әкімшілік құқық бұзу фактісі тіркелген. Сонымен бірге қоғамдық орында мазаны алудың 708 оқиғасы анықталды.