Қазақстан теннис федерациясы хабарлағандай, сонымен қатар Даниал Рахматуллаев, Виталий Зацепин, Ілияс Маратұлы және Айя Нұпбай іріктеу сайыстарында бақ сынайды.
Қарағанды теннис мектебінің түлегі Әмір Омарханов 16 жаста. Ол жасөспірімдердің әлемдік рейтингінде 55-орында тұр. Әмір ITF Juniors санатында өткен жарыстарда жекелей және жұптық сында бес реттен жеңімпаз атанған.
Ал Алматы теннис мектебінің түлегі, 17 жастағы Асылжан Арыстанбекова рейтингте 68-сатыда келеді. ITF Juniors додаларындағы жекелей сында бір рет чемпион болған Асылжан жұптық сында 13 титулға қол жеткізген болатын.