Бүгін ҚР Парламенті Мәжілісінің депутаты Б.Т. Бейсенғалиевтің төрағалығымен «AMANAT» партиясы жанындағы Өңірлік даму жөніндегі республикалық кеңестің кезекті отырысында республикалық маңызы бар автомобиль жолдарын салу, реконструкциялау және күрделі жөндеу мәселелері қаралды.
Отырысқа партия хатшысы Е.Ж. Жылқыбаев, Көлік және энергетика вице-министрлері С.А. Аблалиев, Е.К. Ақкенженов, Өнеркәсіп және құрылыс министрлігінің, «ҚазАвтоЖол» ұлттық компаниясының, Жол активтері сапасының ұлттық орталығының өкілдері, ҚР Парламенті Мәжілісінің депутаттары, республикалық кеңес мүшелері мен өңірлік Кеңестердің төрағалары, партияның өңірлік филиалдарының басшылары, облыс әкімдерінің орынбасарлары қатысты.
Көлік вице-министрі Аблалиев Сатжан Әйтенұлы, «ҚазАвтоЖол» ұлттық компаниясының басшылығы, облыс әкімдерінің орынбасарлары баяндама жасап, Кеңес мүшелерінің сұрақтарына жауап берді.
Республикалық жолдарды салу, реконструкциялау және күрделі жөндеу, облыстық және аудандық маңызы бар жолдарды жөндеу «АМАNАТ» партиясының 2023-2027 жылдарға арналған «Халықпен бірге!» сайлауалды бағдарламасының негізгі басымдықтардың бірі болып табылады.
Мемлекет басшысы биылғы Жолдауында бұл мәселенің стратегиялық маңыздылығын ерекше атап өтті. Президент өз сөзінде: «Автокөлік жолдарының құрылысы мәселесі шешімін табуға тиіс. Қазір оның сапасы сын көтермейді. Тиісті жұмыстар уақытылы және сапалы атқарылмайды. Жемқорлық белең алып тұр, бәсеке де жоқтың қасы. Мұның бәрі – осы салада әбден тамыр жайған кемшіліктер. Сондықтан жыл соңына дейін нақты шаралар қабылдау қажет» деген болатын.
Мысалы, биыл тамыз айында партия төрағасы Е.Ж. Қошановқа Осинов асуы деп аталатын «Өскемен-Алтай-Рахман қайнары» жол учаскесін жөндеу мәселесі бойынша Алтай қаласының тұрғындары жеке қабылдауға жазылған. 7 жылдан бері шешілмеген бұл мәселені кеңес отырысында партия хатшысы Е.Ж. Жылқыбаев көтерді. Ол бұл өмірлік-маңызды учаскенің Алтай және шекара маңындағы Катонқарағай ауданының 80 мыңнан астам тұрғыны мен он мыңдаған туристер үшін маңызды екенін атап өтті. Сондай-ақ, Ержан Жылқыбаев Ветелка және Новостройки елді мекендерінен Орал қаласына дейінгі жолдың толық болмауы, оның ішінде оқушылардың маусымаралық уақытта мектепке, тұрғындардың жұмысқа бара алмауы, жедел жәрдемнің әрдайым келе бермейтініне ерекше назар аударды.
Мысалы, «Қызылорда-Жезқазған» тасжолы – еліміздегі ең тозығы жеткен жолдардың бірі. Қызылорда облысында жұмыс аяқталуға жақын. Жезқазған жағынан – тапсырмалар орындалу деңгейінде, сатып алу конкурстарын өткізу және т.б. жүргізіліп жатыр.
Келесі тұрғындар көп жылдар бойы шағымданып келе жатқан күрделі мәселелердің бірі Қостанай облысының Арқалық қаласынан Ақмола облысының Державинск қаласына дейінгі Жезқазған-Петропавл тасжолының учаскесі болып табылады. «ҚазАвтоЖол» жөндеу жұмыстарын 2024 жылы аяқтауға уәде берген, алайда жақын маңдағы елді мекендердің тұрғындары жөндеу жұмыстарының сапасына қатысты көптеген сұрақтар мен шағымдарын айтты.
Отырыс нәтижесі бойынша келесі қорытындылар жасалды:
1) жұмыс көлемінің жеткіліксіздігі. Алдағы 6 жылда 8 мың шақырымға жуық халықаралық және республикалық автомобиль жолдары салынып, реконструкцияланатын болады. Бұл жылына 1 мың шақырымнан сәл асады;
2) 2024 жылдан 2026 жылға дейін Қызылорда-Жезқазған тасжолында нысандар жүйелі түрде, кейде бірнеше есе қымбаттайды, бұл ретте жұмыс мерзімдері келесі жылдарға ауыстырылады;
3) битум, қиыршық тас, цемент және басқалар сияқты жол-құрылыс материалдары жетіспейді, бұл да мерзімдерде көрсетіледі;
4) жұмыс сапасы жиі сынға ұшырайды.
Республикалық маңызы бар жолдарды салудағы негізгі мәселелерді шешу үшін уәкілетті орталық және жергілікті атқарушы органдарға шығыстарды оңтайландыру және құрылыстың өзіндік құнын төмендету, сапаның қатаң стандарттарын қолдану және олардың сақталуын бақылау, заманауи технологиялар мен материалдарды енгізу, тендерлер мен келісімшарттардың ашық рәсімдерін өткізу, шығыстарды бақылау мен аудитті күшейту, климат ерекшеліктерін ескеретін технологияларды әзірлеу және қолдану ұсынылды, мысалы, экстремалды температураға төзімді материалдарды пайдалану, мамандардың білімі мен біліктілігін арттыруға инвестиция салу ұсынылды.
Біздің ортақ мақсатымыз – қолданыстағы күрделі мәселелерді ашық талқылау, автомобиль жолдары желісін нормативтік жағдайға келтіру бойынша орталық, жергілікті атқарушы органдармен, тапсырыс берушілермен және мердігерлермен бірлесіп күш-жігер жұмсау, халқымыздың әлеуметтік әл-ауқатын жақсартып, тиісінше Қазақстанды ірі халықаралық көлік-логистикалық хабқа айналдырудан мультипликативтік экономикалық нәтиже алу.