Мәселен, Жетісу облысында Үшарал-Достық тасжолы, Көктұма стансасынан Достық стансасына дейінгі аралықтағы жол учаскесі (100 шақырым) жабық, – деп жазды Aikyn.kz.
"Ауа райының күрт нашарлауына байланысты шектеу шаралары енгізілді (боран, айналаның көріну деңгейінің төмендеуі). Шектеу көліктің барлық түрлеріне қолданылады. Жолда тұрып қалған көліктер саны – 68 жүк көлігі", – делінген "ҚазАвтоЖол" ҰК" АҚ баспасөз қызметінің мәліметінде.
Алматы облысы:
Алматы – Ташкент –Термез тасжолы, Жаңақұрылыс ауылынан Жамбыл облысының шекарасына дейінгі аралықтағы жол учаскесі (84 шақырым).
Жамбыл облысында ауа райының нашарлауына байланысты көліктің барлық түрлері үшін шектеу енгізілді. Жолда көліктер тұрып қалған жоқ.
Атырау облысы:
Ақтөбе – Атырау – Ресей Федерациясының шекарасы (Астраханға) тасжолы, 712-893 шақырым, Жанбай ауылынан Ресей Федерациясының шекарасына дейінгі (Астраханға) аралық.
Шектеу барлық көлік түрлеріне (жаңбыр, көктайғақ) қолданылады.
Жамбыл облысы (жалпы жиынтығы – 600 шақырым):
Алматы – Ташкент –Термез, Кенен ауылынан Қайнар ауылына дейінгі жол учаскесі (Жаңа Қордай асуы) – 95 шақырым
Шу-Қайнар – 56 км.
Алматы – Ташкент – Термез, Қайнар ауылынан Түркістан облысының шекарасына дейінгі жол учаскесі – 354 шақырым.
Алматы – Ташкент –Термез, Алматы облысынан Қайнар ауылына дейінгі жол учаскесі - 95 шақырым.
Шектеу ауа райының нашарлауына байланысты енгізілді (суық күнде жаңбырдың жаууы, көктайғақ) және көліктің барлық түрлеріне қолданылады. Қайта жабылған жол учаскелерінде 50 автомобиль, оның ішінде 30 жүк және 20 жеңіл автомобиль жиналып қалды.
Түркістан облысы:
Алматы – Ташкент - Термез, Машат ауылынан Жамбыл облысының шекарасына дейінгі жол учаскесі (62 шақырым).
Шектеу Жамбыл облысында ауа райының нашарлауына байланысты енгізілді және көліктің барлық түрлері үшін қолданылады. Көліктердің тұрып қалу фактісі тіркелмеді.
"Жалпы, қазіргі уақытта республикалық тасжолдардың 846 шақырымында шектеу шаралары енгізілген. Қайта жабылған учаскелерде 118 автокөлік тұр, оның ішінде 98 жүк және 20 жеңіл көлік бар. Қазіргі уақытта республикалық маңызы бар тасжолдарда көктайғаққа қарсы материалдар себуге, қар тазалау жұмыстарын жүргізуге 260 техника жұмылдырылды", – делінген хабарламада.
Бұған дейін Жамбыл облысындағы қарлы боранда жолда 5 мыңнан астам адам қалып кеткені хабарланған болатын.