Алматыда жоғалып кеткен 64 жастағы боксшы Серік Нұрқазов аман-есен табылды, – деп хабарлайды Aikyn.kz.
«1959 жылы туған С.Нұрқазов аман-есен табылып, туыстарына тапсырылды. Бұрын хабарланғандай, із-түзсіз жоғалған азаматтың мекенжайын анықтау үшін арнайы іздеу тобы құрылған еді», – деп хабарлады Алматы қалалық Полиция департаментінің баспасөз қызметі.
Спортшының қайдан табылғаны жайлы ақпарат айтылмаған.
Бұдан бұрын белгілі боксшы 14 желтоқсанда үйінен белгісіз бағытқа шығып, қайта оралмағаны жайлы хабарлаған едік.