Биыл ағылшындарды қызықтырған сұраулар туралы BBC News арнайы мақала жариялады. Оның ішінде жаңа Корольдің таққа отыруы, Риши Сунактың үкімет басындағы бірінші жылының нәтижелері мен ChatGPT бар. Осы мақалаға сілтеме жасай отырып Aikyn.kz қазақ пен ағылшын халықтарын қызықтырған басқа да оқиғаларды талдайды.
Фото sdvv.ru сайтынан алынды
Англияны 2023 жылы Карл патшаға тәж кигізу рәсімі мен Ұлыбритания тарихында үндіс нәсілді 42 жастағы Риши Сунактың премьер-министрлігінің бірінші жылының қорытындысы, ең күшті дауылдармен бірге көптеген оқиғалар қызықтырған. Google Trends ағылшындар арасында ең көп қызығушылық тудырған тақырыптарды атаған.
Олардың қатарында мына тақырыптар жиі аталған:
Фото BBC News сайтынан алынды. Авторлығы: Temu
Temu
Өткен жылмен салыстырғанда Temu онлайн-супермаркетін іздеу биыл 2850%-ға өскен. Temu Ұлыбританияда 2023 жылдың сәуірінде іске қосылды және Apple мәліметтері бойынша тоғыз миллионға жуық пайдаланушысы бар Ұлыбританиядағы ең көп жүктелген сауда қолданбасы болды.
Бұл онлайн дүкенде киімнен бастап электроника, 3D принтерінен бастап шағын шаңсорғыш сияқты өнімдер сатылады және тұтынушыларға делдалсыз қытайлық өндірушілердің тауарларын тікелей сатып алуға мүмкіндік береді.
«Біздің қазіргі стандарттарымыз бен тәжірибеміз Amazon, eBay және Etsy сияқты АҚШ-тың ең ірі электрондық коммерция платформаларынан еш айырмашылығы жоқ», – дейді компания өкілі.
Фото tecnoveste.com.br сайтынан алынды
ChatGPT
OpenAI чат-ботының негізін қалаушы қараша айында өзінің бас директоры Сэм Альтманды жұмыстан шығарып, қайта жұмысқа алды, бұл технологиялық әлемді таңғалдырды.
Microsoft қолдау көрсететін OpenAI жасаған ChatGPT чат-ботына сұраулар биылғы жылы 2700%-ға өскен.
Басқа жасанды интеллект жүйелері сияқты, ChatGPT пайдаланушы сұрауларына сенімді, «адамға» ұқсас жауаптар беру үшін деректердің үлкен көлемін пайдаланады. Ол эссе, сценарий, өлең жаза алады және компьютерлік есептерді шеше алады. Ол тіпті адамға ұқсас әңгімеге де араласа алады.
Қолданба 2022 жылғы 30 қарашада жалпыға қолжетімді болды, бірақ деректер, соның ішінде пайдаланушы сөйлесулері мен төлем ақпараты ағып кеткен кезде оны іздеудің ең жоғары деңгейі осы жылдың 20 наурызында болды.
BBC News-тың жақында жүргізген зерттеуі пайдаланушылар жасанды интеллект көмекшілерінің көмегімен киберқылмыс құралдарын жасай алатынын анықтады.
Фото BBC News сайтынан алынды. Авторлығы: PA MEDIA
Банктік мерекелер 2023
«Банк мерекелері» деп банктер мен көптеген кәсіпорындар жұмыс істемейтін демалыс күндер, ресми мерекелерді атайды. Бұл сөз тіркесі Ұлыбританияда және ағылшын құқығы қолданылатын басқа елдерде жиі қолданылады.
Ағылшындарға биылғы жылдың 8 мамырында Карл III патшаның таққа отыруына орай қосымша демалыс берілді. Тәж кию рәсімінің өзі 6 мамырда өтті, ал мерекелік күндер қашан болады деген Google-дегі сұраулардың шарықтау шегі сәуір айының соңына келген.
Миллиондаған адамдар ұзақ демалысты күтіп, діни қызмет пен символдық рәсімдер демалысты ұзартады деп күткен. Патшаға тәж кигізу рәсімі Вестминстер аббаттығында өтті және Карл III патша 1066 жылдан бері сол жерде тәж киген 40-шы билеуші монарх болды.
Иллюстрация kursiv.media сайтынан алынды. Авторлығы: Shutterstock
Қазақ елі 2023 жылы Google-ден нені көп іздеген?
Google Trends мәліметтеріне сәйкес қазақстандықтар ChatGPT, Білім класс, МРП 2023, Юань курсына жиі сұраулар жасаған. Сонымен бірге ауа райы, аудармашы, kundelik деген сұраулар да алғашқы ондыққа кіреді.
Ал іздеу тақырыптарының ішінде Whats Web, Дайын үй тапсырмасы, OLX, Одноклассники өте жиі кездеседі. Қазақстандықтарды қызықтыратын кітаптарға сұрауларда фантастика мен детектив жанрлары, видео ойындар тақырыбы басым болған.